Programming waa mid kamid ah xirafadaha ugu qiimaha badan ood baran kartid sanadkan. Waa xirfad hadaad si fiican u baratid kuu furaysa albaabada fursado aad u badan oodan malaysan karin. Waa xirfad qof kasta oo raba inuu mustaqbalka la jaanqaado ay u muhiim tahay barashadeedu.

Celceliska dakhliga ay sameeyaan dadka programmers-ka ah waa $97,800 sanadkii. Xirfadan barashadeedu qasab maaha inaad jaamacad ka soo baratay. Dadka programmers-ka ee shirkadaha waawayn sida Google iyo Facebook u shaqeeya ayaka ayaa is baray xirfadan.

Qaabka ugu fiican uguna fudud eed ku baran kartid waa inaad internet-ka iska bartid. Adiga ayaa naftaada baraya adigoo ka faaiidaysanaya resources ka kala duwan ee online-ka laga helo.

Qormadan waxaan kugula wadaagayaa qaabka ugu fiican eed ku baran kartid programming 2024

Waa Maxay Programming?

Programming waa qaabka computer-ka loola hadlo ayadoo la adeegsanayo luuqad uu fahmayo si uu wax u sameeyo. Programming languages waxay fududeeyaan inay bini’aadamka iyo kumbuyuutaradu wada xiriiraan. Shaqada dadka programmers-ka ah waxaa kamid ah samaynta websites, desktop applications, mobile applications, softwares, iwm.

1. Fahan Aas-aaska Programming-ka

Programming language kasta ood baranaysidba waxaa jira aasaasiyaad ay tahay inaad taqaanid. Barashadoodu waxay xoojinaysaa fahanka luuqadaad baranaysid.

Aasaasiyaaka luuqad kasta waxaa kami ah variables, data structures, syntax, tools, functions, objects loops iwm.

Isku day inaad aasaaska si fiican u fahantid intaadan sii dhexgalin barashada mowduucyada waawayn.

2. Dooro Programming Language-ka aad Baranaysid

Waxaa jira noocyo badan oo programming languages ah. Markaad bilowga tahay waa inaad mid ka doorataa kadibna si fiican u barataa. Luuqada aad dooranaysid wa inay labo shardi buuxisaa.

Kow waa inay tahay luuqad fudud oo qofka bilowga ah si dhib yar ku baran karo. Labo waa inay tahay luuqad aad loo isticmaalo oo suuqa shaqada laga adeegsado.

Luuqad labadaa shardi buuxinaysa waa Python. Waa luuqad fudud oo isticmaal badan leh.

Luuqadaha aad baran kartid waxaa kamid ah:

• JavaScript

Waa luuqada loogu adeegsida badanyahay waxaana isticmaala 64% developers-ka. Waxaa adeegsada kambaniyada sida Facebook, X, Gmail iyo YouTube si ay ugu samaystaan dynamic web pages.

• HTML & CSS

Inkastoo labadan aysan ahayn programming languages, hadana waa labad soo raacda ee loogu adeegsiga badanyahay. Waxaa adeegsada 53% developers-ka. Waxay la shaqeeyaan JavaScript si loogu sameeyo web pages.

• Python

Qof kasta ayaa si fudud ku baran kara! Syntax-geedu wa sida English-ka. Taasoo ka dhigaysa mida ugu fudud qofka bilowga ah.

Google waxay u isticmashaa Python searches-ka. YouTube waxay u isticmaashaa video displays.

Desktop applications-ka Microsoft iyo Cisco waxay ku dhisan yihiin Python. Marka waa luuqad aad loo isticmaalo.

• SQL

Waxaa lala isticmaalaa Python waxayna loo adeegsadaa storing, retrieving, and managing data.

Waxaa isticmaala 49% developers-ka.

3. Samayso Projects

Kadib markaad dooratid luuqadaad rabtay, bilow inaad baratid ilaa heer sare.

Sida xirfad kastaba, qaabka ugu fiican ood ku baran kartid waa inaad qabatid. Bilow inaad codes qortid. Wixii aad baratid inaad practice ku samaysid isku day. Ma jiro qaab practice ka fiican ood ku baran kartid programming. Markasta ood codes badan aad qortid waa marksta oo fahankaagu sii siyaado. Waxaad ku samayn kartaa practice platforms-ka sida LeetCode iwm

Bilow inaad projects yar-yar dhistid. Tani waxay kuu dhisaysaa portfolio fiican.

Projects aad samayn kartid waxaa kamid ah:

Inaad samaysid visual project sida website ama slideshow

Inad samaysid simple game sida tic-tac-toe

Inaad samaysid simple app sida calculator ama calendar

Ku bilow projects fudfudud una sii dalac kuwo wawayn

4. Dooro takhasus

Programming aad bay u takhasus badan tahay.

Markaad si fiican u dhexgashid caalamka programming-ka, waxaad fahmi doontaa waxa aad xiisaysid.

Dooro kaas aadna usii u daraasee ilaa aad ku noqotid khabiir.

Takhasusyada Programming waxaa kamid ah:

Takhasuska	Luuqadaad u baahantahay
Front-end web development	JavaScript, HTML & CSS
Back-end development	JavaScript & Python
Desktop Applications	Python &C# for PC, Swift for Apple Products
Mobile Apps & softwares kale	Java & JavaScript for Android, Swift for Apple

5. Ka faa’iidayso Online Resources

Si aad programming u baratid maanta kuma qasbanid inaad jaamacad ama fasal tagtid. Waxaad si fudud oga baran kartaa online-ka. Waxaa jira website badan ood ka baran kartid programming bilow ilaa heer sare.

Waxaa sii dheer inaad ku baranaysid qaab free ah. Meelaha aad sida free-ga ah oga baran kartid waxaa ka mid ah:

FreeCodeCamp. Waa madasha ugu wayn ee programming si free ah looga barto. Waxay kaloo leeyihiin YouTube aad ka helaysid tutorials qiimo badan. Waxaad ka baran kartaa Python, JavaScript, HTML, CSS, SQL iyo dhamaan qaybaha kala duwan ee programming iyo software engineering.

Ilaa iyo 2014-kii, in kabadan 40,000 oo arday ayaa ka qalin jabiyay freeCodeCamp oo shaqooyin ka helay shirkadaha waawayn sida Apple, Google, Microsoft, Spotify iyo Amazon.

Waxaad kaloo ka faa’iidaysan kartaa koorsooyinka tayada badan ee Jaamacada Harvad.  Waxaad si free ah oga heli kartaa wwebsites-ka edX. Ama waxaad ka baran kartaa YouTube channel-kooda CS50.

Waxaad kaloo ka baran kartaa Codecademy ama Coursera.

6. Ku Biir Programming Community

Inaad online community ka tirsan tahay waxay ku siinaysaa faa’idooyin badan. Waxay ku siinaysaa dhiirigalin. Waxaad kaloo ka baranysaa dad aad isku xiiso tihiin. Waxay kaa cawwinaysaa hadii caqabad kaa qabsato coding-kaaga inaad caawinaad waydiisatid.

Meelaha ugu fiican ood ka heli kartod online communities waa: Stack Overflow & GitHub

7. Dulqaad u Yeelo

Programming wa xirfad barashadeedu u baahantahay juhdi iyo dadaal badan. Inaad heer fiican ka gaartid waxa laga yaabaa inaysan u fududaan sidaad moodaysay. Ha ka niyad jabin.

Halkan ka akhriso xirfado kale oo digital ah ood online-ka ka baran kartid.

Isku day halkii marba inaad hal shay diirada saartid. Isku dhex yaacu waa caqabada ugu wayn ee horu socodka kuu diidaysa. Waxbarashada mid nidaamsan ka dhigo. Waxii aad baratidna practice ku samee si aad si fiican ugu sii fahantid. Dadaal gaari doontide.

Gabagabo

Programming waa xirfad aad u qiimo badan. Baahideeduna mustaqbalka way sii siyaadaysaa un. Hadii aad maanta baratid waxay ku siinaysaa fursado badan dakhli fiicana way kusoo galin doontaa.

Hadii ay ku xiiso galinayso shaqadeedu, isku day inaad baratid. Laga yaabee inay san fududaan. Laakin hadii aad raacdid tilaabooyinkan kula soo wadaagay, way kuu fududaan Insha’Allah.

Happy learning. Happy coding. 😊